haasil-e-kun hai ye jahaan-e-kharaab
yahee mumakin tha itanee ujalat mein
jism mein aag laga doon us ke
aur phir khud hee bujha doon us ko
kal ka din hae kal ka din ai jaun
kaash is raat ham bhee mar jaen
khoob hai shauq ka ye pahaloo bhee
main bhee barbaad ho gaya too bhee
aur kya chaahatee hai gardish-e-ayyaam ki ham
apana ghar bhool gae un kee galee bhool gae
sab se pur-amn vaaqia ye hai
aadamee aadamee ko bhool gaya
padee rahane do insaanon kee laashen
zameen ka bojh halka kyoon karen ham
main jurm ka etiraaf kar ke
kuchh aur hai jo chhupa gaya hoon
daad-o-tahaseen ka ye shor hai kyoon
ham to khud se kalaam kar rahe hain
hai vo bechaaragee ka haal ki ham
har kisee ko salaam kar rahe hain