kya takalluf karen ye kahane mein
jo bhee khush hai ham us se jalate hain
ai shakhs main teree justujoo se
be-zaar nahin hoon thak gaya hoon
vo jo na aane vaala hai na us se mujh ko matalab tha
aane vaalon se kya matalab aate hain aate honge
haan theek hai main apanee ana ka mareez hoon
aakhir mire mizaaj mein kyoon dakhl de koee
aaj mujh ko bahut bura kah kar
aap ne naam to liya mera
koee mujh tak pahunch nahin paata
itana aasaan hai pata mera
jurm mein ham kamee karen bhee to kyoon
tum saza bhee to kam nahin karate
ab jo rishton mein bandha hoon to khula hai mujh par
kab parind ud nahin paate hain paron ke hote
shab jo ham se hua muaaf karo
nahin pee thee bahak gae honge
ganvaee kis kee tamanna mein zindagee main ne
vo kaun hai jise dekha nahin kabhee main ne