kharch chalega ab mira kis ke hisaab mein bhala
sab ke lie bahut hoon main apane lie zara nahin
mujh se ab log kam hee milate hain
yoon bhee main hat gaya hoon manzar se
mil rahee ho bade tapaak ke saath
mujh ko yakasar bhula chukee ho kya
to kya sach-much judaee mujh se kar lee
to khud apane ko aadha kar liya kya
bolate kyoon nahin mire haq mein
aabale pad gae zabaan mein kya
mujh ko khvaahish hee dhoondane kee na thee
mujh mein khoya raha khuda mera
ye vaar kar gaya hai pahaloo se kaun mujh par
tha main hee daen baen aur main hee daramiyaan tha
ye kaafee hai ki ham dushman nahin hain
vafa-daaree ka daava kyoon karen ham
hamaare zakhm-e-tamanna puraane ho gae hain
ki us galee mein gae ab zamaane ho gae hain
kya hai jo badal gaee hai duniya
main bhee to bahut badal gaya hoon