ham ko mita sake ye zamaane mein dam nahin
ham se zamaana khud hai zamaane se ham nahin
dil mein kisee ke raah kie ja raha hoon main
kitana haseen gunaah kie ja raha hoon main
ham ne seene se lagaaya dil na apana ban saka
muskura kar tum ne dekha dil tumhaara ho gaya
ye ishq nahin aasaan itana hee samajh leeje
ik aag ka dariya hai aur doob ke jaana hai
ik lafz-e-mohabbat ka adana ye fasaana hai
simate to dil-e-aashiq phaile to zamaana hai
jo toofaanon mein palate ja rahe hain
vahee duniya badalate ja rahe hain
un ka jo farz hai vo ahal-e-siyaasat jaanen
mera paigaam mohabbat hai jahaan tak pahunche
apana zamaana aap banaate hain ahal-e-dil
ham vo nahin ki jin ko zamaana bana gaya
teree aankhon ka kuchh qusoor nahin
haan mujhee ko kharaab hona tha
itane hijaabon par to ye aalam hai husn ka
kya haal ho jo dekh len parda utha ke ham