allaah agar taufeeq na de insaan ke bas ka kaam nahin
faizaan-e-mohabbat aam sahee irafaan-e-mohabbat aam nahin
kidhar se barq chamakatee hai dekhen ai vaiz
main apana jaam uthaata hoon too kitaab utha
zindagee ik haadasa hai aur kaisa haadasa
maut se bhee khatm jis ka silasila hota nahin
dil hai qadamon par kisee ke sar jhuka ho ya na ho
bandagee to apanee fitarat hai khuda ho ya na ho
suna hai hashr mein har aankh use be-parda dekhegee
mujhe dar hai na tauheen-e-jamaal-e-yaar ho jae
na garaz kisee se na vaasta mujhe kaam apane hee kaam se
tire zikr se tiree fikr se tiree yaad se tire naam se
ab to ye bhee nahin raha ehasaas
dard hota hai ya nahin hota
kabhee un mad-bharee aankhon se piya tha ik jaam
aaj tak hosh nahin hosh nahin hosh nahin
usee ko kahate hain jannat usee ko dozakh bhee
vo zindagee jo haseenon ke daramiyaan guzare
hameen jab na honge to kya rang-e-mahfil
kise dekh kar aap sharamaiega