kya bataoon kis qadar zanjeer-e-pa saabit hue
chand tinake jin ko apana aashiyaan samajha tha mein
kya khabar thee khalish-e-naaz na jeene degee
ye tiree pyaar kee aavaaz na jeene degee
hae ye husn-e-tasavvur ka fareb-e-rang-o-boo
main ye samajha jaise vo jaan-e-bahaar aa hee gaya
aankhon mein noor jism mein ban kar vo jaan rahe
yanee hameen mein rah ke vo ham se nihaan rahe
apane hudood se na badhe koee ishq mein
jo zarra jis jagah hai vaheen aaftaab hai
pee raha hoon aankhon aankhon mein sharaab
ab na sheesha hai na koee jaam hai
yaarab hujoom-e-dard ko de aur vusten
daaman to kya abhee miree aankhen bhee nam nahin
aap ke dushman rahen vaqf-e-khalish sarf-e-tapish
aap kyoon gam-khvaaree-e-beemaar-e-hijraan keejie
mujhe de rahe hain tasalliyaan vo har ek taaza payaam se
kabhee aa ke manzar-e-aam par kabhee hat ke manzar-e-aam se
jeete jee aur tark-e-mohabbat
mar jaana aasaan nahin hai