is tarah khush hoon kisee ke vaada-e-farda pe main
dar-haqeeqat jaise mujh ko etibaar aa hee gaya
mujh ko nahin qubool do-aalam kee vusaten
qismat mein koo-e-yaar kee do-gaz zameen rahe
aisa kahaan bahaar mein rangeeniyon ka josh
shaamil kisee ka khoon-e-tamanna zaroor tha
baraabar se bach kar guzar jaane vaale
ye naale nahin be-asar jane vaale
bigada hua hai rang jahaan-e-kharaab ka
bhar loon nazar mein husn kisee ke shabaab ka
husn ke har jamaal mein pinhaan
meree raanaee-e-khayaal bhee hai
toofaan ka gila kya karata hai toofaan ko duaen de naadaan
har mauj tujhe thokar de kar saahil kee taraf le jaatee hai
husn ko kya dushmanee hai ishq ko kya bair hai
apane hee qadamon kee khud hee thokaren khaata hoon main
aankhon se jaan jaie furqat ka maajara
ashkon se poochh leejie jo dil ka haal hai
hae-ree majabooriyaan tark-e-mohabbat ke lie
mujh ko samajhaate hain vo aur un ko samajhaata hoon main