agar na zohara-jabeenon ke daramiyaan guzare
to phir ye kaise kate zindagee kahaan guzare
sab ko ham bhool gae josh-e-junoon mein lekin
ik tiree yaad thee aisee jo bhulaee na gaee
tasveer ke do rukh hain jaan aur gam-e-jaanaan
ik naqsh chhupaana hai ik naqsh dikhaana hai
jin ke lie mar bhee gae ham
vo chal kar do gaam na aae
hae vo raaz-e-gam ki jo ab tak
tere dil mein miree nigaah mein hai
jo na samajhe naaseho phir us ko samajhaate ho kyoon
saath deevaane ke deevaane bane jaate ho kyoon
le ke khat un ka kiya zabt bahut kuchh lekin
tharatharaate hue haathon ne bharam khol diya
duniya ye dukhee hai phir bhee magar thak kar hee sahee so jaatee hai
tere hee muqaddar mein ai dil kyoon chain nahin aaraam nahin
tool-e-gam-e-hayaat se ghabara na ai jigar
aisee bhee koee shaam hai jis kee sahar na ho
laakh aaftaab paas se ho kar guzar gae
ham baithe intizaar-e-sahar dekhate rahe