meree barbaadiyaan durust magar
too bata kya tujhe savaab hua
saaz-e-ulfat chhid raha hai aansuon ke saaz par
muskurae ham to un ko bad-gumaanee ho gaee
jise sayyaad ne kuchh gul ne kuchh bulabul ne kuchh samajha
chaman mein kitanee maanee-khez thee ik khaamushee miree
gulashan-parast hoon mujhe gul hee nahin azeez
kaanton se bhee nibaah kie ja raha hoon main
ja aur koee zabt kee duniya talaash kar
ai ishq ham to ab tire qaabil nahin rahe
kamaal-e-tishnagee hee se bujha lete hain pyaas apanee
isee tapate hue sahara ko ham dariya samajhate hain
hoon khata-kaar siyaahakaar gunahagaar magar
kis ko bakhshe tiree rahamat jo gunahagaar na ho
vahee hai zindagee lekin jigar ye haal hai apana
ki jaise zindagee se zindagee kam hotee jaatee hai
ye may-khaana hai bazm-e-jam nahin hai
yahaan koee kisee se kam nahin hai
mujhee mein rahe mujh se mastoor ho kar
bahut paas nikale bahut door ho kar