baaz aa saahil pe gote khaane vaale baaz aa
doob marane ka maza dariya-e-be-saahil mein hai
mujhe ai naakhuda aakhir kisee ko munh dikhaana hai
bahaana kar ke tanha paar utar jaana nahin aata
marate dam tak tiree talavaar ka dam bharate rahe
haq ada ho na saka phir bhee vafaadaaron se
dair o haram bhee dhah gae jab dil nahin raha
sab dekhate hee dekhate veeraana ho gaya
duniya ke saath deen kee begaar al-amaan
insaan aadamee na hua jaanavar hua
door se dekhane ka yaas gunahagaar hoon main
aashna tak na hue lab kabhee paimaane se
farda ko door hee se hamaara salaam hai
dil apana shaam hee se charaag-e-sahar hua
na sang-e-meel na naqsh-e-qadam na baang-e-jaras
bhatak na jaen musaafir adam kee manzil ke
husn-e-zaatee bhee chhupae se kaheen chhupata hai
saat pardon se ayaan shaahid-e-manee hoga
duniya se yaas jaane ko jee chaahata nahin
allaah re husn gulashan-e-na-paedaar ka