rang badala phir hava ka may-kashon ke din phire
phir chalee baad-e-saba phir may-kade ka dar khula
yakasaan kabhee kisee kee na guzaree zamaane mein
yaadash-ba-khair baithe the kal aashiyaane mein
saaqee main dekhata hoon zameen aasamaan ka farq
arsh-e-bareen mein aur tire aastaane mein
yaas is charkh-e-zamaana-saaz ka kya etibaar
meharabaan hai aaj kal na-meharabaan ho jaega
yagana vahee faateh-e-lakhanoo hain
dil-e-sang-o-aahan mein ghar karane vaale
kaaragaah-e-duniya kee nestee bhee hastee hai
ik taraf ujadatee hai ek samt basatee hai
haath ulajha hai garebaan mein to ghabarao na yaas
bediyaan kyoonkar kateen zindaan ka dar kyoonkar khula
be-dhadak pichhale pahar naala-o-shevan na karen
kah de itana to koee taaza-giraftaaron se
imtiyaaz-e-soorat-o-manee se begaana hua
aaine ko aaina hairaan ko hairaan dekh kar
parda-e-hijr vahee hastee-e-mauhoom thee yaas
sach hai pahale nahin maaloom tha ye raaz mujhe