dukhtar-e-raz ne utha rakkhee hai aafat sar par
khairiyat guzaree ki angoor ke beta na hua
dam labon par tha dil-e-zaar ke ghabaraane se
aa gaee jaan mein jaan aap ke aa jaane se
buton ke pahale bande the mison ke ab hue khaadim
hamen har ahad mein mushkil raha hai ba-khuda hona
khilaaf-e-shar kabhee shaikh thookata bhee nahin
magar andhere ujaale mein chookata bhee nahin
khush-naseeb aaj bhala kaun hai gauhar ke siva
sab kuchh allaah ne de rakkha hai shauhar ke siva
maut aaee ishq mein to hamen neend aa gaee
nikalee badan se jaan to kaanta nikal gaya
daal de jaan maanee mein vo urdoo ye hai
karavaten lene lage tab vo pahaloo ye hai
tumhaare vaaz mein taaseer to hai hazarat-e-vaiz
asar lekin nigaah-e-naaz ka bhee kam nahin hota
shaikh kee daavat mein may ka kaam kya
ehatiyaatan kuchh manga lee jaegee
javaanee kee hai aamad sharm se jhuk sakatee hain aankhen
magar seene ka fitna ruk nahin sakata ubharane se