ab to hai ishq-e-butaan mein zindagaanee ka maza
jab khuda ka saamana hoga to dekha jaega
aashiqee ka ho bura us ne bigaade saare kaam
ham to a.b mein rahe agyaar b.a ho gae
log kahate hain ki bad-naamee se bachana chaahie
kah do be is ke javaanee ka maza milata nahin
hue is qadar mohazzab kabhee ghar ka munh na dekha
katee umr hotalon mein mare aspataal ja kar
jis taraf uth gaee hain aahen hain
chashm-e-bad-door kya nigaahen hain
javaanee kee dua ladakon ko na-haq log dete hain
yahee ladake mitaate hain javaanee ko javaan ho kar
har zarra chamakata hai anavaar-e-ilaahee se
har saans ye kahatee hai ham hain to khuda bhee hai
taalluq aashiq o maashooq ka to lutf rakhata tha
maze ab vo kahaan baaqee rahe beevee miyaan ho kar
bole ki tujh ko deen kee islaah farz hai
main chal diya ye kah ke ki aadaab arz hai
mere havaas ishq mein kya kam hain muntashir
majanoon ka naam ho gaya qismat kee baat hai