sidhaaren shaikh kaaba ko ham inglistaan dekhenge
vo dekhen ghar khuda ka ham khuda kee shaan dekhenge
tashbeeh tire chehare ko kya doon gul-e-tar se
hota hai shagufta magar itana nahin hota
naukaron par jo guzaratee hai mujhe maaloom hai
bas karam keeje mujhe bekaar rahane deejie
ye hai ki jhukaata hai mukhaalif kee bhee gardan
sun lo ki koee shay nahin ehasaan se behatar
poochha akbar hai aadamee kaisa
hans ke bole vo aadamee hee nahin
asar ye tere anfaas-e-maseehaee ka hai akbar
illahabaad se langada chala laahore tak pahuncha
in ko kya kaam hai muravvat se apanee rukh se ye munh na modenge
jaan shaayad farishte chhod bhee den doktar fees ko na chhodenge
unhen bhee josh-e-ulfat ho to lutf utthe mohabbat ka
hameen din-raat agar tadape to phir is mein maza kya hai
agar mazahab khalal-andaaz hai mulkee maqaasid mein
to shaikh o barahaman pinhaan rahen dair o masaajid mein
gamza nahin hota ki ishaara nahin hota
aankh un se jo milatee hai to kya kya nahin hota