khuda se maang jo kuchh maangana hai ai akbar
yahee vo dar hai ki zillat nahin savaal ke bad
kheencho na kamaanon ko na talavaar nikaalo
jab top muqaabil ho to akhabaar nikaalo
ham kya kahen ahabaab kya kaar-e-numaayaan kar gae
b.a hue naukar hue penshan milee phir mar gae
ishq ke izahaar mein har-chand rusvaee to hai
par karoon kya ab tabeeat aap par aaee to hai
jab main kahata hoon ki ya allaah mera haal dekh
hukm hota hai ki apana naama-e-aamaal dekh
is qadar tha khatamalon ka chaarapaee mein hujoom
vasl ka dil se mire aramaan rukhsat ho gaya
haqeeqee aur majaazee shaayaree mein farq ye paaya
ki vo jaame se baahar hai ye paajaame se baahar hai
dhamaka ke bose loonga rukh-e-rashk-e-maah ka
chanda vasool hota hai saahab dabaav se
jo vaqt-e-khatna main cheekha to naee ne kaha hans kar
musalamaanee mein taaqat khoon hee bahane se aatee hai
bataoon aap ko marane ke baad kya hoga
pulao khaenge ahabaab faatiha hoga