is gulistaan mein bahut kaliyaan mujhe tadapa gaeen
kyoon lagee theen shaakh mein kyoon be-khile murajha gaeen
tum naak chadhaate ho miree baat pe ai shaikh
kheenchoongee kisee roz main ab kaan tumhaare
main hoon kya cheez jo us tarz pe jaoon akbar
naasikh o zauq bhee jab chal na sake meer ke saath
mira mohataaj hona to miree haalat se zaahir hai
magar haan dekhana hai aap ka haajat-rava hona
kuchh nahin kaar-e-falak haadasa-paashee ke siva
falsafa kuchh nahin alfaaz-taraashee ke siva
sab ho chuke hain us but-e-kaafir-ada ke saath
rah jaenge rasool hee bas ab khuda ke saath
boot daasan ne banaaya main ne ik mazamoon likha
mulk mein mazamoon na phaila aur joota chal gaya
kya hee rah rah ke tabeet miree ghabaraatee hai
maut aatee hai shab-e-hijr na neend aatee hai
shaikh jee ghar se na nikale aur mujh se kah diya
aap b.a paas hain aur banda beebee paas hai
tiree zulfon mein dil ulajha hua hai
bala ke pech mein aaya hua hai