kaun kahata hai na gairon pe tum imadaad karo
ham faraamoshiyon ko bhee kabhoo yaad karo
kaisa chaman ki ham se aseeron ko man hai
chaak-e-qafas se baag kee deevaar dekhana
aavaragaan-e-ishq ka poochha jo main nishaan
musht-e-gubaar le ke saba ne uda diya
naazuk-mizaaj aap qayaamat hain mir jee
joon sheesha mere munh na lago main nashe mein hoon
marasie dil ke kaee kah ke die logon ko
shahar-e-dillee mein hai sab paas nishaanee us kee
us ke eefa-e-ahad tak na jie
umr ne ham se bevafaee kee
ab mujh zaeef-o-zaar ko mat kuchh kaha karo
jaatee nahin hai mujh se kisoo kee uthaee baat
shafaq se hain dar-o-deevaar zard shaam-o-sahar
hua hai lakhanoo is rahaguzar mein peeleebheet
chaah ka daava sab karate hain maanen kyoonkar be-aasaar
ashk kee surkhee munh kee zardee ishq kee kuchh to alaamat ho
baal-o-par bhee gae bahaar ke saath
ab tavaqqo nahin rihaee kee