kaam the ishq mein bahut par mir
ham hee faarig hue shitaabee se
bahut kuchh kaha hai karo mir bas
ki allaah bas aur baaqee havas
aadam-e-khaakee se aalam ko jila hai varna
aaeena tha to magar qaabil-e-deedaar na tha
roz aane pe nahin nisbat-e-ishqee mauqoof
umr bhar ek mulaaqaat chalee jaatee hai
kaasa-e-chashm le ke joon nargis
ham ne deedaar kee gadaee kee
sab pe jis baar ne giraanee kee
us ko ye na-tavaan utha laaya
kuchh karo fikr mujh deevaane kee
dhoom hai phir bahaar aane kee
mujhe kaam rone se aksar hai naaseh
too kab tak mire munh ko dhota rahega
jaur kya kya jafaen kya kya hain
aashiqee mein balaen kya kya hain
jo tujh bin na jeene ko kahate the ham
so is ahad ko ab vafa kar chale