ham ne apanee see kee bahut lekin
maraz-e-ishq ka ilaaj nahin
hosh jaata nahin raha lekin
jab vo aata hai tab nahin aata
shikava-e-aabala abhee se mir
hai piyaare hanooz dillee door
dil se rukhsat huee koee khvaahish
girya kuchh be-sabab nahin aata
dillee ke na the kooche auraaq-e-musavvar the
jo shakl nazar aaee tasveer nazar aaee
ahad-e-javaanee ro ro kaata peeree mein leen aankhen moond
yaanee raat bahut the jaage subh huee aaraam kiya
gam raha jab tak ki dam mein dam raha
dil ke jaane ka nihaayat gam raha
khilana kam kam kalee ne seekha hai
us kee aankhon kee neem-khvaabee se
ishq hai ishq karane vaalon ko
kaisa kaisa baham kya hai ishq
de ke dil ham jo ho gae majaboor
is mein kya ikhtiyaar hai apana