mir ke deen-o-mazahab ko ab poochhate kya ho un ne to
qashqa kheencha dair mein baitha kab ka tark islaam kiya
dil mujhe us galee mein le ja kar
aur bhee khaak mein mila laaya
le saans bhee aahista ki naazuk hai bahut kaam
aafaaq kee is kaaragah-e-sheeshaagaree ka
jin jin ko tha ye ishq ka aazaar mar gae
aksar hamaare saath ke beemaar mar gae
ham jaanate to ishq na karate kisoo ke saath
le jaate dil ko khaak mein is aarazoo ke saath
guftugoo rekhte mein ham se na kar
ye hamaaree zabaan hai pyaare
mir un neem-baaz aankhon mein
saaree mastee sharaab kee see hai
sakht kaafir tha jin ne pahale mir
mazahab-e-ishq ikhtiyaar kiya
umr guzaree davaen karate mir
dard-e-dil ka hua na chaara hanooz
us ke farog-e-husn se jhamake hai sab mein noor
sham-e-haram ho ya ho diya somanaat ka