iqaraar mein kahaan hai inkaar kee see soorat
hota hai shauq gaalib us kee nahin nahin par
ab jo ik hasarat-e-javaanee hai
umr-e-rafta kee ye nishaanee hai
goondh ke goya pattee gul kee vo tarakeeb banaee hai
rang badan ka tab dekho jab cholee bheege paseene mein
mir-saahib zamaana naazuk hai
donon haathon se thaamie dastaar
chashm ho to aaeena-khaana hai dahar
munh nazar aata hai deevaaron ke beech
zakhm jhele daag bhee khae bahut
dil laga kar ham to pachhatae bahut
mere rone kee haqeeqat jis mein thee
ek muddat tak vo kaagaz nam raha
jam gaya khoon kaf-e-qaatil pe tira mir zi-bas
un ne ro ro diya kal haath ko dhote dhote
kin neendon ab too sotee hai ai chashm-e-girya-naak
mizgaan to khol shahar ko sailaab le gaya
dil vo nagar nahin ki phir aabaad ho sake
pachhataoge suno ho ye bastee ujaad kar