munh taka hee kare hai jis tis ka
hairatee hai ye aaeena kis ka
sher mere hain go khavaas-pasand
par mujhe guftugoo avaam se hai
sarasaree tum jahaan se guzare
varna har ja jahaan-e-deegar tha
dil se shauq-e-rukh-e-nikoo na gaya
jhaankana-taakana kabhoo na gaya
kitanee baaten bana ke laoon lek
yaad rahateen tire huzoor nahin
ham faqeeron se be-adaee kya
aan baithe jo tum ne pyaar kiya
aah-e-sahar ne sozish-e-dil ko mita diya
is baad ne hamen to diya sa bujha diya
kaun leta tha naam majanoon ka
jab ki ahad-e-junoon hamaara tha
ham taur-e-ishq se to vaaqif nahin hain lekin
seene mein jaise koee dil ko mala kare hai
zindaan mein bhee shorish na gaee apane junoon kee
ab sang mudaava hai is aashufta-saree ka