chaman mein gul ne jo kal daava-e-jamaal kiya
jamaal-e-yaar ne munh us ka khoob laal kiya
kuchh nahin soojhata hamen us bin
shauq ne ham ko be-havaas kiya
ab ke junoon mein faasala shaayad na kuchh rahe
daaman ke chaak aur girebaan ke chaak mein
ishq hai tarz o taur ishq ke taeen
kaheen banda kaheen khuda hai ishq
paida kahaan hain aise paraaganda-tab log
afasos tum ko mir se sohabat nahin rahee
laaya hai mira shauq mujhe parde se baahar
main varna vahee khalvatee-e-raaz-e-nihaan hoon
vasl us ka khuda naseeb kare
mir dil chaahata hai kya kya kuchh
saraapa aarazoo hone ne banda kar diya ham ko
vagarna ham khuda the gar dil-e-be-mudda hote
khuda ko kaam to saumpe hain main ne sab lekin
rahe hai khauf mujhe vaan kee be-niyaazee ka
jis sar ko guroor aaj hai yaan taaj-varee ka
kal us pe yaheen shor hai phir nauhaagaree ka