tum agar apanee goon ke ho maashooq
apane matalab ke yaar ham bhee hain
is lie vasl se inkaar hai ham jaan gae
ye na samajhe koee kya jald kaha maan gae
leejie sunie ab afsaana-e-furqat mujh se
aap ne yaad dilaaya to mujhe yaad aaya
raah par un ko laga lae to hain baaton mein
aur khul jaenge do chaar mulaaqaaton mein
samajho patthar kee tum lakeer use
jo hamaaree zabaan se nikala
adam kee jo haqeeqat hai vo poochho ahal-e-hastee se
musaafir ko to manzil ka pata manzil se milata hai
gash kha ke daag yaar ke qadamon pe gir pada
behosh ne bhee kaam kiya hoshiyaar ka
yoon mere saath dafn dil-e-be-qaraar ho
chhota sa ik mazaar ke andar mazaar ho
bane hain jab se vo laila naee mahamil mein rahate hain
jise deevaana karate hain usee ke dil mein rahate hain
ye gustaakhee ye chhed achchhee nahin hai ai dil-e-naadaan
abhee phir rooth jaenge abhee to man ke baithe hain