shab-e-vasl zid mein basar ho gaee
nahin hote hote sahar ho gaee
main mar gaya to khaak bhee un ko na gam hua
kahate hain ek chaahane vaala to kam hua
zamaana dostee par in haseenon kee na itarae
ye aalam-dost aksar dushman-e-aalam bhee hote hain
chhed maashooq se keeje to zara tham tham kar
roz ke naama o paigaam bure hote hain
abhee aaee bhee nahin koocha-e-dilabar se sada
khil gaee aaj mire dil kee kalee aap hee aap
meer ka rang baratana nahin aasaan ai daag
apane deevaan se mila dekhie deevaan un ka
kee tark-e-may to mail-e-pindaar ho gaya
main tauba kar ke aur gunahagaar ho gaya
vaada jhoota kar liya chalie tasallee ho gaee
hai zara see baat khush karana dil-e-naashaad ka
bhare hain tujh mein vo laakhon hunar ai majama-e-khoobee
mulaaqaatee tira goya bharee mahafil se milata hai
zikr-e-mehar-o-vafa to ham karate
par tumhen sharmasaar kaun kare