chup-chaap sunatee rahatee hai paharon shab-e-firaaq
tasveer-e-yaar ko hai miree guftugoo pasand
kyoon vasl kee shab haath lagaane nahin dete
maashooq ho ya koee amaanat ho kisee kee
abhee kam-sin ho rahane do kaheen kho doge dil mera
tumhaare hee lie rakkha hai le lena javaan ho kar
mujhe yaad karane se ye mudda tha
nikal jae dam hichakiyaan aate aate
falak deta hai jin ko aish un ko gam bhee hote hain
jahaan bajate hain naqqaare vahaan maatam bhee hota hai
ik ada mastaana sar se paanv tak chhaee huee
uf tiree kaafir javaanee josh par aaee huee
baat ka zakhm hai talavaar ke zakhmon se siva
keejie qatl magar munh se kuchh irashaad na ho
dil ka kya haal kahoon subh ko jab us but ne
le ke angadaee kaha naaz se ham jaate hain
uzr aane mein bhee hai aur bulaate bhee nahin
bais-e-tark-e-mulaaqaat bataate bhee nahin
ye maza tha dil-lagee ka ki baraabar aag lagatee
na tujhe qaraar hota na mujhe qaraar hota