laakh dene ka ek dena tha
dil-e-be-mudda diya too ne
jis khat pe ye lagaee usee ka mila javaab
ik mohar mere paas hai dushman ke naam kee
lazzat-e-ishq ilaahee mit jae
dard aramaan hua jaata hai
saaz ye keena-saaz kya jaanen
naaz vaale niyaaz kya jaanen
vo jaate hain aatee hai qayaamat kee sahar aaj
rota hai duaon se gale mil ke asar aaj
chaah kee chitavan mein aankh us kee sharamaee huee
taad lee majlis mein sab ne sakht rusvaee huee
jalee hain dhoop mein shaklen jo maahataab kee theen
khinchee hain kaanton pe jo pattiyaan gulaab kee theen
sunaee jaatee hain dar-parda gaaliyaan mujh ko
kahoon jo main to kahe aap se kalaam nahin
jalve miree nigaah mein kaun-o-makaan ke hain
mujh se kahaan chhupenge vo aise kahaan ke hain
josh-e-rahamat ke vaaste zaahid
hai zara see gunaah-gaaree shart