arz-e-ahavaal ko gila samajhe
kya kaha main ne aap kya samajhe
ye to nahin ki tum sa jahaan mein haseen nahin
is dil ko kya karoon ye bahalata kaheen nahin
nahin khel ai daag yaaron se kah do
ki aatee hai urdoo zabaan aate aate
raha na dil mein vo bedard aur dard raha
muqeem kaun hua hai maqaam kis ka tha
yoon bhee hazaaron laakhon mein tum intikhaab ho
poora karo savaal to phir la-javaab ho
hazaar baar jo maanga karo to kya haasil
dua vahee hai jo dil se kabhee nikalatee hai
aao mil jao ki ye vaqt na paoge kabhee
main bhee ham-raah zamaane ke badal jaoonga
tum ko chaaha to khata kya hai bata do mujh ko
doosara koee to apana sa dikha do mujh ko
haath rakh kar jo vo poochhe dil-e-betaab ka haal
ho bhee aaraam to kah doon mujhe aaraam nahin
ud gaee yoon vafa zamaane se
kabhee goya kisee mein thee hee nahin