baad muddat ke ye ai daag samajh mein aaya
vahee daana hai kaha jis ne na maana dil ka
na rona hai tareeqe ka na hansana hai saleeqe ka
pareshaanee mein koee kaam jee se ho nahin sakata
mujh gunahagaar ko jo bakhsh diya
to jahannam ko kya diya too ne
bahut roya hoon main jab se ye main ne khvaab dekha hai
ki aap aansoo bahaate saamane dushman ke baithe hain
kaheen hai eed kee shaadee kaheen maatam hai maqtal mein
koee qaatil se milata hai koee bismil se milata hai
aaya tha saath le ke mohabbat kee aafaten
jaega jaan le ke zamaana shabaab ka
dil mein sama gaee hain qayaamat kee shokhiyaan
do-chaar din raha tha kisee kee nigaah mein
shab-e-vasl kee kya kahoon daastaan
zabaan thak gaee guftugoo rah gaee
be-talab jo mila mila mujh ko
be-garaz jo diya diya too ne
dekhana hashr mein jab tum pe machal jaoonga
main bhee kya vaada tumhaara hoon ki tal jaoonga