mere qaaboo mein na paharon dil-e-naashaad aaya
vo mira bhoolane vaala jo mujhe yaad aaya
qatl kee sun ke khabar eed manaee main ne
aaj jis se mujhe milana tha gale mil aaya
is ada se vo jafa karate hain
koee jaane ki vafa karate hain
miree bandagee se mire jurm afzoon
tire qahar se teree rahamat ziyaada
chaak ho parda-e-vahashat mujhe manzoor nahin
varna ye haath girebaan se kuchh door nahin
duniya mein jaanata hoon ki jannat mujhe milee
raahat agar zara see museebat mein mil gaee
naaseh ne mera haal jo mujh se bayaan kiya
aansoo tapak pade mire be-ikhtiyaar aaj
thokar bhee raah-e-ishq mein khaanee zaroor hai
chalata nahin hoon raah ko hamavaar dekh kar
phir gaya jab se koee aa ke hamaare dar tak
ghar ke baahar hee pade rahate hain ghar chhod diya
saaf kah deejie vaada hee kiya tha kis ne
uzr kya chaahie jhooton ke mukarane ke lie