daag ik aadamee hai garma-garm
khush bahut honge jab milenge aap
ho chuka aish ka jalsa to mujhe khat bheja
aap kee tarah se mehamaan bulae koee
kahana kisee ka subh-e-shab-e-vasl naaz se
hasarat tumhaaree jaan hamaaree nikal gaee
fasurda-dil kabhee khalvat na anjuman mein rahe
bahaar ho ke rahe ham to jis chaman mein rahe
hasaraten le gae is bazm se chalane vaale
haath malate hee uthe itr ke malane vaale
marg-e-dushman ka ziyaada tum se hai mujh ko malaal
dushmanee ka lutf shikavon ka maza jaata raha
vo jab chale to qayaamat bapa thee chaaron taraf
thahar gae to zamaane ko inqalaab na tha
phirata hai mere dil mein koee harf-e-mudda
qaasid se kah do aur na jae zara see der
nigah nikalee na dil kee chor zulf-e-ambareen nikalee
idhar la haath mutthee khol ye choree yaheen nikalee