too ne ye kya gazab kiya mujh ko bhee faash kar diya
main hee to ek raaz tha seena-e-kaenaat mein
hai raam ke vajood pe hindostaan ko naaz
ahal-e-nazar samajhate hain us ko imaam-e-hind
aaeen-e-javaan-mardaan haq-goee o be-baakee
allaah ke sheron ko aatee nahin roobaahee
mujhe rokega too ai naakhuda kya garq hone se
ki jin ko doobana hai doob jaate hain safeenon mein
kabhee ham se kabhee gairon se shanaasaee hai
baat kahane kee nahin too bhee to harajaee hai
nigah buland sukhan dil-navaaz jaan pur-soz
yahee hai rakht-e-safar meer-e-kaaravaan ke lie
na poochho mujh se lazzat khaanamaan-barbaad rahane kee
nasheman saikadon main ne bana kar phoonk daale hain
andaaz-e-bayaan garache bahut shokh nahin hai
shaayad ki utar jae tire dil mein miree baat
milega manzil-e-maqsood ka usee ko suraag
andheree shab mein hai cheete kee aankh jis ka charaag
aankh jo kuchh dekhatee hai lab pe aa sakata nahin
mahav-e-hairat hoon ki duniya kya se kya ho jaegee