uqaabee rooh jab bedaar hotee hai javaanon mein
nazar aatee hai un ko apanee manzil aasamaanon mein
vatan kee fikr kar naadaan museebat aane vaalee hai
tiree barbaadiyon ke mashavare hain aasamaanon mein
aql ko tanqeed se fursat nahin
ishq par aamaal kee buniyaad rakh
tire aazaad bandon kee na ye duniya na vo duniya
yahaan marane kee paabandee vahaan jeene kee paabandee
anokhee vaz hai saare zamaane se niraale hain
ye aashiq kaun see bastee ke ya-rab rahane vaale hain
nahin hai na-umeed iqbal apanee kisht-e-veeraan se
zara nam ho to ye mittee bahut zarakhez hai saaqee
buton se tujh ko umeeden khuda se naumeedee
mujhe bata to sahee aur kaafiree kya hai
baag-e-bahisht se mujhe hukm-e-safar diya tha kyoon
kaar-e-jahaan daraaz hai ab mira intizaar kar
yaqeen mohakam amal paiham mohabbat faateh-e-aalam
jihaad-e-zindagaanee mein hain ye mardon kee shamasheeren
bharee bazm mein raaz kee baat kah dee
bada be-adab hoon saza chaahata hoon