zaahir kee aankh se na tamaasha kare koee
ho dekhana to deeda-e-dil va kare koee
firqa-bandee hai kaheen aur kaheen zaaten hain
kya zamaane mein panapane kee yahee baaten hain
maheene vasl ke ghadiyon kee soorat udate jaate hain
magar ghadiyaan judaee kee guzaratee hain maheenon mein
umeed-e-hoor ne sab kuchh sikha rakkha hai vaiz ko
ye hazarat dekhane mein seedhe-saade bhole-bhaale hain
jinhen main dhoondhata tha aasamaanon mein zameenon mein
vo nikale mere zulmat-khaana-e-dil ke makeenon mein
har shay musaafir har cheez raahee
kya chaand taare kya murg o maahee
tujhe kitaab se mumakin nahin faraag ki too
kitaab-khvaan hai magar saahib-e-kitaab nahin
too qaadir o aadil hai magar tere jahaan mein
hain talkh bahut banda-e-mazadoor ke auqaat
ishq tiree intiha ishq miree intiha
too bhee abhee na-tamaam main bhee abhee na-tamaam
kabhee ai haqeeqat-e-muntazar nazar aa libaas-e-majaaz mein
ki hazaaron sajde tadap rahe hain miree jabeen-e-niyaaz mein