too hai muheet-e-be-karaan main hoon zara see aabajoo
ya mujhe ham-kanaar kar ya mujhe be-kanaar kar
agar hangaama-ha-e-shauq se hai la-makaan khaalee
khata kis kee hai ya rab la-makaan tera hai ya mera
zindagaanee kee haqeeqat kohakan ke dil se poochh
joo-e-sheer o tesha o sang-e-giraan hai zindagee
nigaah-e-ishq dil-e-zinda kee talaash mein hai
shikaar-e-murda saza-vaar-e-shaahabaaz nahin
mureed-e-saada to ro ro ke ho gaya taib
khuda kare ki mile shaikh ko bhee ye taufeeq
puraane hain ye sitaare falak bhee farsooda
jahaan vo chaahie mujh ko ki ho abhee nau-khez
azaab-e-daanish-e-haazir se ba-khabar hoon main
ki main is aag mein daala gaya hoon misl-e-khaleel
kise khabar ki safeene dubo chukee kitane
faqeeh o soofee o shair kee na-khush-andeshee
meer-e-arab ko aaee thandee hava jahaan se
mera vatan vahee hai mera vatan vahee hai
hakeem o aarif o soofee tamaam mast-e-zuhoor
kise khabar ki tajallee hai ain-e-mastooree