nahin tera nasheman qasr-e-sultaanee ke gumbad par
too shaaheen hai basera kar pahaadon kee chataanon mein
ilm mein bhee suroor hai lekin
ye vo jannat hai jis mein hoor nahin
faqat nigaah se hota hai faisala dil ka
na ho nigaah mein shokhee to dilabaree kya hai
dil se jo baat nikalatee hai asar rakhatee hai
par nahin taaqat-e-paravaaz magar rakhatee hai
haya nahin hai zamaane kee aankh mein baaqee
khuda kare ki javaanee tiree rahe be-daag
ai tair-e-laahootee us rizq se maut achchhee
jis rizq se aatee ho paravaaz mein kotaahee
gulaamee mein na kaam aatee hain shamasheeren na tadabeeren
jo ho zauq-e-yaqeen paida to kat jaatee hain zanjeeren
haram-e-paak bhee allaah bhee quraan bhee ek
kuchh badee baat thee hote jo musalamaan bhee ek
jis khet se dahaqaan ko mayassar nahin rozee
us khet ke har khosha-e-gandum ko jala do
sau sau umeeden bandhatee hai ik ik nigaah par
mujh ko na aise pyaar se dekha kare koee