sauda-garee nahin ye ibaadat khuda kee hai
ai be-khabar jaza kee tamanna bhee chhod de
mazahab nahin sikhaata aapas mein bair rakhana
hindee hain ham vatan hai hindostaan hamaara
urooj-e-aadam-e-khaakee se anjum sahame jaate hain
ki ye toota hua taara mah-e-kaamil na ban jae
ye jannat mubaarak rahe zaahidon ko
ki main aap ka saamana chaahata hoon
tera imaam be-huzoor teree namaaz be-suroor
aisee namaaz se guzar aise imaam se guzar
jab ishq sikhaata hai aadaab-e-khud-aagaahee
khulate hain gulaamon par asaraar-e-shahanshaahee
vajood-e-zan se hai tasveer-e-kaenaat mein rang
isee ke saaz se hai zindagee ka soz-e-daroon
jo main sar-ba-sajda hua kabhee to zameen se aane lagee sada
tira dil to hai sanam-aashna tujhe kya milega namaaz mein
dil soz se khaalee hai nigah paak nahin hai
phir is mein ajab kya ki too bebaak nahin hai
gala to ghont diya ahal-e-madarasa ne tira
kahaan se aae sada la ilaah il-lallaah