sabaq mila hai ye meraaj-e-mustafa se mujhe
ki aalam-e-bashareeyat kee zad mein hai gardoon
zamaana aql ko samajha hua hai mishal-e-raah
kise khabar ki junoon bhee hai saahib-e-idaraak
sitaara kya miree taqadeer kee khabar dega
vo khud faraakhee-e-aflaak mein hai khvaar o zuboon
huee na aam jahaan mein kabhee hukoomat-e-ishq
sabab ye hai ki mohabbat zamaana-saaz nahin
man kee daulat haath aatee hai to phir jaatee nahin
tan kee daulat chhaanv hai aata hai dhan jaata hai dhan
khudee vo bahar hai jis ka koee kinaara nahin
too aabajoo ise samajha agar to chaara nahin
guzar ja aql se aage ki ye noor
charaag-e-raah hai manzil nahin hai!
samundar se mile pyaase ko shabanam
bakheelee hai ye razzaaqee nahin hai
vo harf-e-raaz ki mujh ko sikha gaya hai junoon
khuda mujhe nafas-e-jibareel de to kahoon
roz-e-hisaab jab mira pesh ho daftar-e-amal
aap bhee sharmasaar ho mujh ko bhee sharmasaar kar