be-khatar kood pada aatish-e-namarood mein ishq
aql hai mahav-e-tamaasha-e-lab-e-baam abhee
attaar ho roomee ho raazee ho gazaalee ho
kuchh haath nahin aata be-aah-e-sahar-gaahee
khudaavanda ye tere saada-dil bande kidhar jaen
ki daraveshee bhee ayyaaree hai sultaanee bhee ayyaaree
hue madafoon-e-dariya zer-e-dariya tairane vaale
tamaanche mauj ke khaate the jo ban kar guhar nikale
ye kaenaat abhee na-tamaam hai shaayad
ki aa rahee hai damaadam sada-e-kun-fayakoon
aql ayyaar hai sau bhes badal letee hai
ishq bechaara na zaahid hai na mulla na hakeem
jalaal-e-paadashaahee ho ki jamahooree tamaasha ho
juda ho deen siyaasat se to rah jaatee hai changezee
kabhee chhodee huee manzil bhee yaad aatee hai raahee ko
khatak see hai jo seene mein gam-e-manzil na ban jae
kushaada dast-e-karam jab vo be-niyaaz kare
niyaaz-mand na kyoon aajizee pe naaz kare
haan dikha de ai tasavvur phir vo subh o shaam too
daud peechhe kee taraf ai gardish-e-ayyaam too