dekho ye kisee aur kee aankhen hain ki meree
dekhoon ye kisee aur ka chehara hai ki tum ho
hansee-khushee se bichhad ja agar bichhadana hai
ye har maqaam pe kya sochata hai aakhir too
ba-zaahir ek hee shab hai firaaq-e-yaar magar
koee guzaarane baithe to umr saaree lage
yoon to pahale bhee hue us se kaee baar juda
lekin ab ke nazar aate hain kuchh aasaar juda
ab to ye aarazoo hai ki vo zakhm khaie
ta-zindagee ye dil na koee aarazoo kare
judaiyaan to muqaddar hain phir bhee jaan-e-safar
kuchh aur door zara saath chal ke dekhate hain
ruke to gardishen us ka tavaaf karatee hain
chale to us ko zamaane thahar ke dekhate hain
vo vaqt aa gaya hai ki saahil ko chhod kar
gahare samundaron mein utar jaana chaahie
kya kahen kitane maraasim the hamaare us se
vo jo ik shakhs hai munh pher ke jaane vaala
raat kya soe ki baaqee umr kee neend ud gaee
khvaab kya dekha ki dhadaka lag gaya taabeer ka