zabt laazim hai magar dukh hai qayaamat ka faraz
zaalim ab ke bhee na roega to mar jaega
dil ka dukh jaana to dil ka masala hai par hamen
us ka hans dena hamaare haal par achchha laga
jee mein jo aatee hai kar guzaro kaheen aisa na ho
kal pashemaan hon ki kyoon dil ka kaha maana nahin
yoonhee mausam kee ada dekh ke yaad aaya hai
kis qadar jald badal jaate hain insaan jaanaan
dekha mujhe to tark-e-taalluq ke baavajood
vo muskura diya ye hunar bhee usee ka tha
hava mein nashsha hee nashsha faza mein rang hee rang
ye kis ne pairahan apana uchhaal rakkha hai
ho door is tarah ki tira gam juda na ho
paas aa to yoon ki jaise kabhee too mila na ho
tere hote hue aa jaatee thee saaree duniya
aaj tanha hoon to koee nahin aane vaala
aaj ham daar pe kheenche gae jin baaton par
kya ajab kal vo zamaane ko nisaabon mein milen
dil-girafta hee sahee bazm saja lee jae
yaad-e-jaanaan se koee shaam na khaalee jae