suna hai log use aankh bhar ke dekhate hain
so us ke shahar mein kuchh din thahar ke dekhate hain
shiddat-e-tishnagee mein bhee gairat-e-may-kashee rahee
us ne jo pher lee nazar main ne bhee jaam rakh diya
vo jis ghamand se bichhada gila to is ka hai
ki saaree baat mohabbat mein rakh-rakhaav kee thee
kaun taaqon pe raha kaun sar-e-raahaguzar
shahar ke saare charaagon ko hava jaanatee hai
do ghadee us se raho door to yoon lagata hai
jis tarah saaya-e-deevaar se deevaar juda
tujh se mil kar to ye lagata hai ki ai ajanabee dost
too miree pahalee mohabbat thee miree aakhiree dost
kitane naadaan hain tire bhoolane vaale ki tujhe
yaad karane ke lie umr padee ho jaise
jo zahar pee chuka hoon tumheen ne mujhe diya
ab tum to zindagee kee duaen mujhe na do
abhee kuchh aur karishme gazal ke dekhate hain
faraz ab zara lahaja badal ke dekhate hain
munsif ho agar tum to kab insaaf karoge
mujarim hain agar ham to saza kyoon nahin dete