shikava-e-zulmat-e-shab se to kaheen behatar tha
apane hisse kee koee sham jalaate jaate
ujaad ghar mein ye khushaboo kahaan se aaee hai
koee to hai dar-o-deevaar ke alaava bhee
too itanee dil-zada to na thee ai shab-e-firaaq
aa tere raaste mein sitaare lutaen ham
na mire zakhm khile hain na tira rang-e-hina
mausam aae hee nahin ab ke gulaabon vaale
faraz too ne use mushkilon mein daal diya
zamaana saahab-e-zar aur sirf shaer too
hamen bhee arz-e-tamanna ka dhab nahin aata
mizaaj-e-yaar bhee saada hai kya kiya jae
ab use log samajhate hain giraftaar mira
sakht naadim hai mujhe daam mein laane vaala
ye ab jo aag bana shahar shahar phaila hai
yahee dhuaan mire deevaar o dar se nikala tha
meer ke maanind aksar zeest karata tha faraz
tha to vo deevaana sa shair magar achchha laga
ham ko us shahar mein taameer ka sauda hai jahaan
log memaar ko chun dete hain deevaar ke saath