vo khaar khaar hai shaakh-e-gulaab kee maanind
main zakhm zakhm hoon phir bhee gale lagaoon use
ik to ham ko adab aadaab ne pyaasa rakkha
us pe mahafil mein suraahee ne bhee gardish nahin kee
le uda phir koee khayaal hamen
saaqiya saaqiya sanbhaal hamen
ik ye bhee to andaaz-e-ilaaj-e-gam-e-jaan hai
ai chaaraagaro dard badha kyoon nahin dete
vo apane zom mein tha be-khabar raha mujh se
use khabar hee nahin main nahin raha us ka
zindagee phailee huee thee shaam-e-hijraan kee tarah
kis ko itana hausala tha kaun jee kar dekhata
zindagee teree ata thee so tire naam kee hai
ham ne jaise bhee basar kee tira ehasaan jaanaan
qaasida ham faqeer logon ka
ik thikaana nahin ki tujh se kahen
na tera qurb na baada hai kya kiya jae
phir aaj dukh bhee ziyaada hai kya kiya jae
mar gae pyaas ke maare to utha abr-e-karam
bujh gaee bazm to ab sham jalaata kya hai