agarache zor havaon ne daal rakkha hai
magar charaag ne lau ko sambhaal rakkha hai
faraz ishq kee duniya to khoob-soorat thee
ye kis ne fitna-e-hijr-o-visaal rakkha hai
ham agar manzilen na ban pae
manzilon tak ka raasta ho jaen
ek safar vo hai jis mein
paanv nahin dil thakata hai
ham tire shauq mein yoon khud ko ganva baithe hain
jaise bachche kisee tyauhaar mein gum ho jaen
kabhee faraz se aa kar milo jo vaqt mile
ye shakhs khoob hai ashaar ke alaava bhee
toota to hoon magar abhee bikhara nahin faraz
mere badan pe jaise shikaston ka jaal ho
abhee to jaag rahe hain charaag raahon ke
abhee hai door sahar thodee door saath chalo
jis se ye tabeeat badee mushkil se lagee thee
dekha to vo tasveer har ik dil se lagee thee
main raat toot ke roya to chain se soya
ki dil ka zahar miree chashm-e-tar se nikala tha