us ka kya hai tum na sahee to chaahane vaale aur bahut
tark-e-mohabbat karane vaalo tum tanha rah jaoge
is se badh kar koee inaam-e-hunar kya hai faraz
apane hee ahad mein ek shakhs fasaana ban jae
suna hai us ko bhee hai sher o shairee se shagaf
so ham bhee mojaze apane hunar ke dekhate hain
jis samt bhee dekhoon nazar aata hai ki tum ho
ai jaan-e-jahaan ye koee tum sa hai ki tum ho
juz tire koee bhee din raat na jaane mere
too kahaan hai magar ai dost puraane mere
hamesha ke lie mujh se bichhad ja
ye manzar baar-ha dekha na jae
kisee dushman ka koee teer na pahuncha mujh
tak dekhana ab ke mira dost kamaan khenchata hai
bahut dinon se nahin hai kuchh us kee khair khabar
chalo faraaz ko ai yaar chal ke dekhate hain
hujoom aisa ki raahen nazar nahin aateen
naseeb aisa ki ab tak to qaafila na hua
main khud ko bhool chuka tha magar jahaan vaale
udaas chhod gae aaeena dikha ke mujhe