kya farz hai ki sab ko mile ek sa javaab
aao na ham bhee sair karen koh-e-toor kee
baar-ha dekhee hain un kee ranjishen
par kuchh ab ke saragiraanee aur hai
vo cheez jis ke lie ham ko ho bahisht azeez
sivae baada-e-gulafaam-e-mushk-boo kya hai
chhoda na rashk ne ki tire ghar ka naam loon
har ik se poochhata hoon ki jaoon kidhar ko main
havas ko hai nashaat-e-kaar kya kya
na ho marana to jeene ka maza kya
apana nahin ye sheva ki aaraam se baithen
us dar pe nahin baar to kabe hee ko ho aae
phoonka hai kis ne gosh-e-mohabbat mein ai khuda
afsoon-e-intizaar tamanna kahen jise
tujh se to kuchh kalaam nahin lekin ai nadeem
mera salaam kahiyo agar naama-bar mile
na-karda gunaahon kee bhee hasarat kee mile daad
ya rab agar in karda gunaahon kee saza hai
ye laash-e-be-kafan asad-e-khasta-jaan kee hai
haq magafirat kare ajab aazaad mard tha