vo aae ghar mein hamaare khuda kee qudarat hai
kabhee ham un ko kabhee apane ghar ko dekhate hain
na tha kuchh to khuda tha kuchh na hota to khuda hota
duboya mujh ko hone ne na hota main to kya hota
aaeena kyoon na doon ki tamaasha kahen jise
aisa kahaan se laoon ki tujh sa kahen jise
ranj se khoogar hua insaan to mit jaata hai ranj
mushkilen mujh par padeen itanee ki aasaan ho gaeen
be-khudee be-sabab nahin ghalib
kuchh to hai jis kee parda-daaree hai
hain aur bhee duniya mein sukhan-var bahut achchhe
kahate hain ki ghalib ka hai andaaz-e-bayaan aur
dil hee to hai na sang-o-khisht dard se bhar na aae kyoon
roenge ham hazaar baar koee hamen satae kyoon
aah ko chaahie ik umr asar hote tak
kaun jeeta hai tiree zulf ke sar hote tak
bas-ki dushvaar hai har kaam ka aasaan hona
aadamee ko bhee mayassar nahin insaan hona
rekhte ke tumheen ustaad nahin ho ghalib
kahate hain agale zamaane mein koee meer bhee tha