dil se mitana tiree angusht-e-hinaee ka khayaal
ho gaya gosht se naakhun ka juda ho jaana
haif us chaar girah kapade kee qismat ghalib
jis kee qismat mein ho aashiq ka girebaan hona
zamaana sakht kam-aazaar hai ba-jaan-e-asad
vagarana ham to tavaqqo zyaada rakhate hain
jab may-kada chhuta to phir ab kya jagah kee qaid
masjid ho madarasa ho koee khaanaqaah ho
kisee ko de ke dil koee nava-sanj-e-fugaan kyoon ho
na ho jab dil hee seene mein to phir munh mein zabaan kyoon ho
zindagee mein to vo mahafil se utha dete the
dekhoon ab mar gae par kaun uthaata hai mujhe
vafa kaisee kahaan ka ishq jab sar phodana thahara
to phir ai sang-dil tera hee sang-e-aastaan kyoon ho
hai kahaan tamanna ka doosara qadam ya rab
ham ne dasht-e-imkaan ko ek naqsh-e-pa paaya
too ne qasam may-kashee kee khaee hai ghalib
teree qasam ka kuchh etibaar nahin hai
teshe bagair mar na saka kohakan asad
saragashta-e-khumaar-e-rusoom-o-quyood tha