main aur bazm-e-may se yoon tishna-kaam aaoon
gar main ne kee thee tauba saaqee ko kya hua tha
allaah re zauq-e-dasht-navardee ki baad-e-marg
hilate hain khud-ba-khud mire andar kafan ke paanv
dil ko niyaaz-e-hasarat-e-deedaar kar chuke
dekha to ham mein taaqat-e-deedaar bhee nahin
hoon giraftaar-e-ulfat-e-sayyaad
varna baaqee hai taaqat-e-paravaaz
dhaanpa kafan ne daag-e-uyoob-e-barahanagee
main varna har libaas mein nang-e-vajood tha
be-ishq umr kat nahin sakatee hai aur yaan
taaqat ba-qadar-e-lazzat-e-aazaar bhee nahin
hai ab is maamoore mein qahat-e-gam-e-ulfat asad
ham ne ye maana ki dillee mein rahen khaavenge kya
main ne majanoon pe ladakapan mein asad
sang uthaaya tha ki sar yaad aaya
sher ghalib ka nahin vahee ye tasleem magar
ba-khuda tum hee bata do nahin lagata ilhaam
hairaan hoon dil ko rooon ki peetoon jigar ko main
maqdoor ho to saath rakhoon nauhaagar ko main